ახალქალაქის N2 საჯარო სკოლის მოსწავლეები დირექციისა და პედაგოგთა მხარდაჭერითა და წახალისებით აქტიურად მონაწილეობენ სხვადასხვა კონკურსსა თუ საგანმანათლებლო ღონისძიებაში, მათ სახელზე კი არაერთი წარმატებაა.
საქართველოს განათლების მეცნიერებისა და ახალგაზრდობის სამინისტრომ 24 აპრილს ქართული ენის დღისადმი მიძღვნილ კალიგრაფიის კონკურსში გამარჯვებულები დააჯილდოვა. გამარჯვებულთა შორის დასახელდა ქალაქ ახალქალაქის N2 საჯარო სკოლა.
სკოლა ასახელეს საბაზო საფეხურის მოსწავლეებმა - კარინე საპონჯიანმა, ეკატერინა გვარამაძემ და კარინე რსტაკიანმა.
კონკურსის ფარგლებში მოსწავლეებმა შექმნეს ხელნაკეთი წიგნი.
წიგნი 38-გვერდიანია.
წიგნი ძველი ქართული ანბანით და ფარნავაზ მეფის პორტრეტით იწყება.
მასში გაერთიანებულია ქართული კალიგრაფია და სამცხე - ჯავახეთის ღირსშესანიშნაობები, ისტორიული ძეგლები, ფლორა და ფაუნა.
სკოლაში ამაყობენ მოსწავლეთა წარმატებით და ბავშვებს ცოდნის ახალი მწვერვალების დაპყრობას უსურვებენ.
https://www.youtube.com/shorts/EGRs0fwR9yc