მესტიის N1 საჯარო სკოლაში სკოლაში ნამდვილი საგანმანათლებლო დღესასწაული მოეწყო, რომლის აქტიური მონაწილეები მულახის საჯარო სკოლის მოსწავლეები იყვნენ.
მესტიის მუნიციპალიტეტის სოფელ მულახის საჯარო სკოლის მოსწავლეებმა, მასწავლებელ ანა გულბანის მიწვევით, საინტერესო და აზარტულ ვიქტორინაში - „გონიერი“ - მიიღეს მონაწილეობა.
ვიქტორინის ფარგლებში დაწყებითი კლასების მოსწავლეებისგან დაკომპლექტდა შერეული გუნდები (ოთხივე კლასის ჩართულობით). ბავშვებმა მაქსიმალურად გამოავლინეს ცოდნა და საკუთარი შესაძლებლობები.
ღონისძიების დასასრულს გამოვლინდნენ გამარჯვებულები. მონაწილეებს საზეიმოდ გადაეცათ სერტიფიკატები, რამაც კიდევ უფრო მეტი მოტივაცია და სიხარული აჩუქა თითოეულ მათგანს.
ეს ემოციური დღე კი უგემრიელესი ტორტის გაჭრითა და ცაში ფერადი ჰელიუმის ბუშტების გაშვებით დაგვირგვინდა
„უდიდეს მადლობას ვუხდით მესტიის N1 საჯარო სკოლას და პირადად მასწავლებელ ანა გულბანს ასეთი მასპინძლობისთვის, საინტერესო ინიციატივისთვის და ჩვენს პატარებს შორის მეგობრული ხიდების გაბმისთვის“,- აღნიშნავენ მულახის საჯარო სკოლაში.
იხილეთ ფოტოები:
