საქართველოს საპატრიარქოს წმიდა თამარ მეფის სახელობის სკოლა-გიმნაზიაში საინტერესო სასწავლო პროცესი მიმდინარეობს. პედაგოგები სწავლებისას სხვადასხვა სასწავლო მეთოდს მიმართავენ და მოწაფეებს გაკვეთილებს უმრავალფეროვნებენ.
აღსანიშნავია, პროექტებით სწავლება, რომელიც მიმართულია მოსწავლეთა მრავალმხრივი განვითარებისკენ.
ახლახან, სკოლა-გიმნაზიის მე-5ა კლასის მოსწავლეებმა იმუშავეს ინგლისურენოვან პროექტზე, სახელწოდებით - „Ancient and Modern culture - ძველი და ახალი კულტურა“.
პროექტი მოსწავლეებისთვის მეტად საინტერესო და სასწავლო-შემეცნებითთან ერთად, სახალისო და თავშესაქცევი აღმოჩნდა.
მოსწავლეებმა დაამზადეს პლაკატები, სადაც შედარებული იყო საქართველოსა და ძველი საბერძნეთის, ძველი ეგვიპტის, ძველი ისრაელის, ძველი რომის კულტურები და ერთმანეთს გაუზიარეს საინტერესო ინფორმაციები.
მე-5ა კლასის ხელმძღვანელი მაყვალა ანთაძე გახლავთ, ინგლისური ენის პედაგოგი კი ნათია მიქაძეა.
იხილეთ ფოტოები:
