წმინდა გაბრიელ ეპისკოპოსის სახელობის ოზურგეთის მუნიციპალიტეტის სოფელ ბახვის საჯარო სკოლის მესამე კლასში დღე ემოციებით, ოცნებებითა და ახალი აღმოჩენებით იყო სავსე.

კლასის დამრიგებლის ინფორმაციით, მოსწავლეებმა ინფორმაცია მიიღეს სხვადასხვა პროფესიების შესახებ. მათ მნიშვნელობაზე და იმაზე, თუ ვინ სურთ გახდნენ მომავალში. აქტივობის ფარგლებში თითოეულმა ბავშვმა თავისი სასურველი პროფესია „მოირგო“ და თანაკლასელების წინაშე პატარა პროფესიონალის როლში წარდგა.

განსაკუთრებული ემოცია ბავშვების სახეებზე მაშინ აისახა, როდესაც მათ საკუთარი „მომავლის ფოტოები“ ნახეს. გამოსახულებები, რომლებიც მათი არჩეული პროფესიის მიხედვით იყო შექმნილი. მოსწავლეებმა დიდი ინტერესითა და აღფრთოვანებით დაინახეს საკუთარი თავი სხვადასხვა როლში: ექიმის, მასწავლებლის, ხელოვანის, პოლიციელის, მექანიკოსის, სპორტსმენის, ფეხბურთელის, ჩოგბურთელის, არქიტექტორის, რეპერის, ბოქსიორის, მომღერლისა და მწერლის...