„სამყარო თამბაქოს გარეშე“- ღების საჯარო სკოლაში საინტერესო აქტივობები ჩატარდა, რომელიც ცნობიერების ამაღლებას მიეძღვნა
01-06-2026
ონის მუნიციპალიტეტის სოფელ ღების საჯარო სკოლაში 31 მაისს აღინიშნა დღე - „სამყარო თამბაქოს გარეშე“, რომელიც ჯანმრთელობის მსოფლიო ორგანიზაციის ინიციატივით არის დაარსებული.
ქიმია-ბიოლოგიის პედაგოგმა ნინო ხუსკივაძემ მოსწავლეებთან ისაუბრა თემაზე, „თამბაქოს მავნე ზემოქმედება ადამიანის ორგანიზმზე“.
აქტივობის ფარგლებში მოსწავლეებმა შექმნეს შემოქმედებითი პოსტები, რომლებშიც ასახეს თამბაქოს მიერ ადამიანის ჯანმრთელობაზე მიყენებული ზიანი. იმსჯელეს თამბაქოს მოხმარებით გამოწვეულ საფრთხეებზე და მისი ზემოქმედების უარყოფით შედეგებზე.
ღონისძიების დასასრულს კიდევ ერთხელ გაჟღერდა მოწოდება - „ერთად ვუთხრათ არა, თამბაქოს!“
სკოლაში მსგავსი ღონისძიებები მიზნად ისახავს მოსწავლეებში ცნობიერების ამაღლებას და ჯანსაღი ცხოვრების წესის ხელშეწყობას.
იხილეთ ფოტოები:
სკოლების სიახლეები
