ჭიათურის მუნიციპალიტეტის სოფელ შუქრუთის N1 საჯარო სკოლის მოსწავლეები ეროვნულ ღირებულებებზე იზრდებიან. პედაგოგები მათი პატრიოტული სულისკვეთების ამაღლებაზე აქტიურად ზრუნავენ და ამ მიზნით არაერთ ღონისძიებას სთავაზობენ. 

რაღა თქმა უნდა, სკოლაში გამორჩეულად აღინიშნა საქართველოს დამოუკიდებლობის დღე. 

ღონისძიებაში ჩართულნი იყვნენ V, VI, X,და  XI კლასების მოსწავლეები. 

მოსწავლეები არაერთ აქტივობაში ჩაერთნენ, ისაუბრეს სახელოვან წინაპრებზე, იმ რთულ გზაზე, რომელმაც ქვეყანა დამოუკიდებლობამდე მიიყვანა. ​მისწერეს წერილი საქართველოს, დაწერეს ესე  თემაზე - „რატომ მიყვარს საქართველო“ და საინტერესო პრეზენტაცია გამართეს. 

ღონისძიებას ხელმძღვანელობდა პედაგოგი სუზანა ბიწაძე.