აღსანიშნავია, რომ სასწავლო წელი უკვე დასრულდა პირველკლასელებისთვისაც, რომლებიც მშობლიურ სკოლას მომავალ სასწავლო წლამდე დაემშვიდობნენ. დირექტორის თქმით, მომავალი სასწავლო წლიდან მოსწავლეთა რაოდენობის შემცირებაა მოსალოდნელი, რადგან წელს სკოლა 13-მა მოსწავლემ დაამთავრა, ხოლო ახალ სასწავლო წელს სკოლა მხოლოდ 4-5 პირველკლასელს ელოდება.

მიუხედავად არსებული გამოწვევებისა, სკოლის პედაგოგები კვლავ დიდი მონდომებითა და პასუხისმგებლობით აგრძელებენ საქმიანობას. მათი მთავარი მიზანია, სკოლა თითოეული მოსწავლისთვის იყოს ადგილი, სადაც მისვლა სიხარულთან, განვითარებასთან და თბილ გარემოსთან იქნება დაკავშირებული.