ოზურგეთის N1 საჯარო სკოლის პედაგოგები მოსწავლეებს ეროვნულ ღირებულებებზე ზრდიან და სამშობლოს სიყვარულსა და ისტორიის პატივისცემას ასწავლიან.
IIIა კლასში ეროვნულმა სულმა იზეიმა.
მე-3 კლასელებმა, პედაგოგ ნათია ჯულაყიძის ხელმძღვანელობით, დამოუკიდებლობის დღესთან დაკავშირებით, გამართეს ღონისძიება - „როგორც უფალი, სამშობლოც ერთია ქვეყანაზედა“.
მოსწავლეები დამსწრე საზოგადოების წინაშე საინტერესო სანახაობით წარდგნენ, კიდევ ერთხელ გაიხსენეს საქართველოს მრავალსაუკუნოვანი ისტორია, თავისუფლებისთვის განვლილი რთული გზა და ის მნიშვნელოვანი მოვლენები და წინაპართა თავგანწირვა, რამაც დამოუკიდებლობის მოპოვებამდე მოგვიყვანა. სიამაყით აღნიშნეს ის ღირებულებები, რომლებიც ქართველ ერს აერთიანებს.
ღონისძიების ხელმძღვანელი მადლობას უხდის ყველას, ვისაც ღონისძიების ჩატარებაში მიუძღვის წვლილი
„მადლობა მინდა გადავუხადო მხარდაჭერისთვის დირექციას, კოლეგებს!
განსაკუთრებული მადლობა მშობლებს! ასევე უდიდესი მადლობა მინდა გადავუხადო მუსიკალური გაფორმებისთვის ნინო ლომჯარიას, ქორეოგრაფიულ ნაწილში დახმარებისთვის კი ემზარ სანიკიძეს“,- აღნიშნავს პედაგოგი.
