ახალქალაქის მუნიციპალიტეტის ბარალეთის N1 საჯარო სკოლაში საქართველოში ერთ-ერთი უმნიშვნელოვანესი თარიღი, 26 მაისი, დამოუკიდებლობის დღე, განსაკუთრებული ღონისძიებით აღინიშნა.

სკოლის მოსწავლეებმა და პედაგოგებმა კიდევ ერთხელ გაიხსენეს ის ისტორიული მოვლენები, რომლებმაც 1918 წლის 26 მაისს საქართველოს სახელმწიფოებრივი დამოუკიდებლობის გამოცხადებამდე მიიყვანა ქვეყანა.

ღონისძიების ფარგლებში მოსწავლეებმა ისაუბრეს თავისუფლების მნიშვნელობაზე, ქვეყნის ისტორიასა და იმ ადამიანებზე, რომლებმაც საქართველოს დამოუკიდებლობისთვის მნიშვნელოვანი ბრძოლა მოიგეს. ღონისძიება ემოციური და შთამბეჭდავი აღმოჩნდა. მოსწავლეებმა ლექსებით, სიტყვით გამოსვლებითა და თემატური წარმოდგენებით დამსწრეებს ეროვნული სულისკვეთება კიდევ ერთხელ შეახსენეს.

სკოლის ადმინისტრაციის წარმომადგენლები აღნიშნავენ, რომ მსგავსი აქტივობები ახალგაზრდებში ისტორიის, სამშობლოსა და ეროვნული ღირებულებების პატივისცემას კიდევ უფრო აძლიერებს.

იხილეთ ფოტოები: