ჩხოროწყუს მუნიციპალიტეტის თაიას საჯარო სკოლაში 2025-2026 სასწავლო წელი რვა პირველკლასელმა წარმატებით დაასრულა. პატარა მოსწავლეებისთვის ეს წელი პირველი ნაბიჯებით, ახალი მეგობრებითა და დაუვიწყარი გამოცდილებით აღმოჩნდა სავსე.

სასწავლო წლის დასრულებასთან დაკავშირებით სკოლაში მოსწავლეებისთვის საზეიმო ღონისძიება გაიმართა, სადაც პატარებმა მხიარული და ემოციური დღე გაატარეს.

სკოლის დირექტორის, ლონგინოზ თოდუას თქმით, განსაკუთრებულ განწყობას კიდევ უფრო ამძაფრებს დაგეგმილი ექსკურსია ქუთაისში, რომელსაც ბავშვები დიდი სიხარულით ელოდებიან.

პატარა პირველკლასელებისთვის ეს მოგზაურობა სასწავლო წლის ლამაზი დასასრული და ახალი თავგადასავლების დასაწყისი იქნება.