მარტვილის მუნიციპალიტეტის სოფელ ონოღიას საჯარო სკოლაში სასწავლო პროცესი მიმართულია მოსწავლეთა მრავალმხრივი განვითარებისკენ. ბავშვების მოტივაციის მიზნით, კი არაერთი ღონისძიება იმართება.
15 მაისს, ონოღიას საჯარო სკოლის მუსიკის მასწავლებელმა - ნათელა ჯიქიამ ჩაატარა მუსიკალური კონკურსი კლასებს შორის.
კონკურსში მონაწილეობდნენ I-VIII კლასების მოსწავლეები. მოსწავლეებმა იაქტიურეს და შემოქმედებითი ნიჭი და შესაძლებლობები წარმატებით წარმოაჩინეს.
როგორც სკოლაში გვეუბნებიან, მონაწილეებმა გამოავლინეს სიმღერის სიყვარული, აგრეთვე გამოვლინდნენ ნიჭიერი მომღერლები.
ჟიურის წევრებმა გამოაცხადეს გამარჯვებულები: I ადგილი V კლასმა დაიმსახურა, II ადგილი VIII კლასს ერგო და III ადგილი მე-3 კლასელებმა გაინაწილეს.
კონკურსი მოსწავლეებისთვის მეტად საინტერესო და სახალისო აღმოჩნდა.
„წარმატებები ვუსურვოთ მოსწავლეებს“,- აღნიშნავენ სკოლაში და ახარებთ მოსწავლეთა მონდომება.
იხილეთ ფოტოები:
