ჩიხარეშის საჯარო სკოლაში „ბოლო ზარი“ სამი მე-12 კლასელისთვის დაირეკა - სასკოლო საზოგადოებამ კურსდამთავრებულები არაჩვეულებრივი ღონისძიებით გააცილა
27-05-2026
ლენტეხის მუნიციპალიტეტის სოფელ ჩიხარეშის საჯარო სკოლიდან მე-12 კლასელები დიდი სიყვარულითა და საუკეთესო სურვილებით გააცილეს.
20 მაისს, „ბოლო ზარი“ სამი მე-12 კლასელისთვის დაირეკა. სასკოლო საზოგადოებამ ახალგაზრდებს არაჩვეულებრივი გამოსამშვიდობებელი ღონისძიება მოუწყო.
ღონისძიებამ, არაერთი საზეიმო ნომერი - მისალოცი სიტყვები, სიმღერები თუ სპექტაკლები გააერთიანა და სკოლაში საოცარი ემოციები დაატრიალა.
ახალგაზრდებს სკოლის დამთავრება მთელმა სკოლამ მიულოცა. მე-12 კლასელებმა კი დირექციასა და პედაგოგებს მათ განათლებაში ჩადებული ფასდაუდებელი შრომისთვის მადლობა გადაუხადეს. მათთვის სკოლასთან და ბავშვობასთან გამომშვიდობება მეტად ამაღელვებელი აღმოჩნდა.
იხილეთ ფოტოები:
სკოლების სიახლეები
