ჭიათურის მუნიციპალიტეტის სოფელ ითხვისის N2 საჯარო სკოლას არაერთი ღირსეული თაობა აღუზრდია, რომელთან გამომშვიდობებას სიხარულთან ერთად ყოველთვის ახლავს სევდაც.
20 მაისს სკოლაში მე-12 კლასელებისთვის „ბოლო ზარი“ დაირეკა. გაიმართა გამოსამშვიდობებელი ღონისძიება, რომელიც სასიამოვნო და თბილ ვითარებაში წარიმართა
კურსდამთავრებულებს გზა დაულოცეს და წარმატებული მომავალი უსურვეს სკოლის დირექტორმა - მარიამ გრძელიშვილმა, დამრიგებელმა - ირინე კაპანაძემ და სხვა მასწავლებლებმა.
მოსწავლეებმა კი კურსდამთავრებულებს მიუძღვნეს ლექსები, სიმღერები, ცეკვები. წარმოადგინეს იუმორისტული სკეტჩები.
დღის ბოლოს მე-12 კლასელთა თეთრი პერანგები კეთილი სურვილებითა და ემოციური მინაწერებით აჭრელლდა. ახალგაზრდებისთვის ბავშვობასთან, პედაგოგებთან და სკოლასთან გამომშვიდობება მეტად ემოციური აღმოჩნდა.
„საღამომ სასიხარულო და ცოტა სევდიანი განწყობა დატოვა სკოლაში“,- აღნიშნავენ სკოლაში და ახალგაზრდებს დიდი სიყვარულითა და საუკეთესო სურვილებით ემშვიდობებიან - „ბედნიერი მომავალი ვუსურვოთ ყველა კურსდამთავრებულს ერთიან და წარმატებულ საქართველოში!“
იხილეთ ფოტოები:
