დედოფლისწყაროს მუნიციპალიტეტის სოფელ საბათლოს საჯარო სკოლის მოსწავლე ანა კოსიაშვილმა „ეტალონის“ ინგლისური ენის ოლიმპიადა წარმატებით გაიარა.

საგნობრივ ჩემპიონატს მოსწავლე დიდი ენთუზიაზმით შეუერთდა. წარმატების დასტურად კი „ეტალონის“ სერტიფიკატი მიენიჭა. 

აღსანიშნავიამ საბათლოს საჯარო სკოლაში ახალისებენ მოსწავლეთა ჩართულობას სხვადასხვა კონკურსსა თუ საგანმანათლებლო ღონისძიებაში. მოსწავლეთა აკადემიური წარმატება კი სასკოლო საზოგადოებისთვის ყოველთვის საამაყოა. 

შეგახსენებთ, რომ „ეტალონისა“ და izrune.ge-ს ერთობლივი ჩემპიონატი საქართველოს სკოლების მოსწავლეებს აძლევს უნიკალურ შესაძლებლობას -  გაიმდიდრონ საგნობრივი ცოდნა, შეიძინონ და განივითარონ 21-ე საუკუნის უნარ-ჩვევები და, რა თქმა უნდა, გამოსცადონ შესაძლებლობები.