დავით რიჟამაძის სახელობის მრავალპროფილიანი საშუალო სკოლა „ივერია“ მოსწავლეებს ყოველთვის აძლევს თვითგამოხატვის, შემოქმედებითი ზრდისა და ნიჭის აღმოჩენის უსაზღვრო შესაძლებლობებს. ამის მორიგი დასტური გახდა სკოლაში გამართული ულამაზესი თეატრალური წარმოდგენა, რომელმაც მაყურებელი ზღაპრულ და ემოციურ სამყაროში ამოგზაურა.
მესამე კლასის მოსწავლეებმა სცენაზე ქართული საბავშვო ლიტერატურის კლასიკოსის, არჩილ სულაკაურის დაუვიწყარი ნაწარმოები - „სალამურას თავგადასავალი“ წარმოადგინეს.
ღონისძიება თავიდანვე აივსო ჯადოსნური, მხიარული და ამაღელვებელი განწყობით. პატარა მსახიობების გულწრფელმა შესრულებამ კიდევ ერთხელ დაანახა დამსწრე საზოგადოებას, თუ რამდენად სუფთა, ლამაზი და სიკეთით სავსეა ბავშვების შინაგანი სამყარო. სპექტაკლის მთავარი ხაზი - ერთგულება, სითბო და მეგობრობის ძალა - თითოეულმა მოსწავლემ საოცარი სიზუსტით მიიტანა მაყურებლის გულამდე.
პატარებმა შეძლეს, სცენაზე გაეცოცხლებინათ ის ღირებულებები, რომლებსაც მშობლიური სკოლა ყოველდღიურად ნერგავს მათში.
აღსანიშნავია, რომ ასეთი მასშტაბური წარმოდგენა წარმოუდგენელი იქნებოდა იმ ადამიანების გარეშე, რომლებმაც მთელი ენერგია და პროფესიონალიზმი ჩადეს ბავშვების მომზადებაში. სკოლა დიდ მადლობას უხდის შემოქმედებით გუნდს:
ქალბატონ ირმა ნაცვლიშვილს, რომელმაც სული შთაბერა ამ ჯადოსნურ დღესასწაულს, ასევე ქორეოგრაფ ნინო ჩადუნელს - დახვეწილი, დინამიკური და პლასტიკური საცეკვაო ნომრებისთვის, რომლებმაც წარმოდგენას განსაკუთრებული სანახაობრივი ელფერი შესძინა, მუსიკალურ გაფორმებაზე პასუხისმგებელ ციური ქენქაძეს - მუსიკალური ჰარმონიისთვის, რომელმაც ზღაპრის თითოეული ეპიზოდი კიდევ უფრო ემოციური და შთამბეჭდავი გახადა.
„მადლობა დაუვიწყარი წუთებისთვის
ჩვენი სკოლა ამაყობს თავისი პატარებით! მადლობას ვუხდით თითოეულ მესამეკლასელს ამ დაუვიწყარი წუთებისთვის, საოცარი ემოციებისთვის, ღიმილისთვის და იმ სიამაყის გრძნობისთვის, რომელიც მათ სკოლასა და მშობლებს აჩუქეს.
ეს დღე კიდევ ერთი დასტურია იმისა, რომ ჩვენს სკოლაში ხელოვნება, განათლება და ბავშვთა ნიჭის განვითარება უმთავრესი პრიორიტეტია. წინ კიდევ ბევრი საინტერესო და შემოქმედებითი მწვერვალი გველის!“, - აღნიშნულია სკოლის მიერ გავრცელებულ ინფორმაციაში.
