ყაზბეგის მუნიციპალიტეტის სოფელ გუდაურის საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა, ამ მიზნით კი არაერთი ღონისძიება იმართება.
ახლახან, დაწყებითი კლასების მოსწავლეთა წიგნიერების დონის ამაღლებისა და კითხვის კულტურის განვითარების მიზნით საინტერესო და შემოქმედებითი აქტივობა გაიმართა.
ღონისძიების ფარგლებში, მოსწავლეებმა ქართველი მწერლის რევაზ ინანიშვილი და იტალიელი საბავშვო ავტორის ჯანი როდარი მოთხრობები წაიკითხეს და განიხილეს. ბავშვებმა ნაწარმოებების მთავარი იდეები, პერსონაჟების ხასიათები და მათში გადმოცემული ადამიანური ღირებულებები გააანალიზეს. შეხვედრა შემოქმედებით გარემოში წარიმართა.
მსგავსი აქტივობები მნიშვნელოვან როლს ასრულებს მოსწავლეებში წიგნის სიყვარულის გაღვივებასა და მათ ინტელექტუალურ თუ შემოქმედებით განვითარებაში.
