ნინოწმინდის N4 საჯარო სკოლაში საინტერესო შეხვედრა გაიმართა, რომელიც მოსწავლეთა ფინანსური წიგნირების დონის ამაღლებას მიეძღვნა.

პროექტის - „მოიწვიე ფინედუ კლასში“ ფარგლებში, „ფინედუს“ დესპანებმა, „საქართველოს ბანკის“ თანამშრომლებმა, VI–XII კლასელებისთვის ჩაატარეს თამაშზე დაფუძნებული, ინტერაქტიული გაკვეთილები ფინანსური განათლების თემებზე.

გაკვეთილების თემა ძირითადად ფინანსურ და ონლაინ უსაფრთხოებას შეეხო.

მოსწავლეები გაეცნენ ფინანსური უსაფრთხოების წესებს და ინტერესით და ხალისით ჩაერთნენ შეთავაზებულ აქტივობებში.

„მადლობას ვუხდით სტუმრებს მობრძანებისთვის და ვიმედოვნებთ, რომ მომავალშიც გაგრძელდება მსგავსი აქტივობები“,- აღნიშნავენ სკოლაში. 

იხილეთ ფოტოები: