საქართველოს საპატრიარქოს წმიდა თამარ მეფის სახელობის სკოლა-გიმნაზიაში წახალისებულია როგორც მოსწავლეთა აკადემიური მიღწევები, ისე სპორტული წარმატება.
ახლახან, სკოლა-გიმნაზიის შიდასასკოლო ტურნირში - „მხიარული სტარტები“ - მონაწილეობისათვის პირველი ხარისხის სიგელებით დაჯილდოვდნენ მე-4ა კლასის მოსწავლეები (კლასის ხელმძღვანელი ეკატერინე ხეჩუაშვილი).
აღსანიშნავია, რომ ახლახან საქართველოს საპატრიარქოს წმიდა თამარ მეფის სახელობის სკოლა-გიმნაზიაში სპორტულ-გასართობი თამაშების შიდასასკოლო ტურნირი ჩატარდა. ფინალური შეხვედრა განსაკუთრებით სანახაობრივი აღმოჩნდა. დაძაბულ და საინტერესო ორთაბრძოლაში გამარჯვება მე-4ა კლასის გუნდმა მოიპოვა.
წარმატებული ასპარეზობისთვის გამარჯვებულებს საზეიმოდ გადაეცათ გარდამავალი ოქროს თასი.
„მხიარული სტარტები“ მოსწავლეებში ჯანსაღი ცხოვრების წესის პოპულარიზაციას, სპორტის სიყვარულის გაღვივებასა და მეგობრული ურთიერთობების განმტკიცებას ემსახურებოდა.
მოსწავლეთა სპორტის პედაგოგები - დავით უნგიაძე და ნინო ცომაია გახლავთ.
იხილეთ ფოტოები:
