საქართველოს საპატრიარქოს წმიდა თამარ მეფის სახელობის სკოლა-გიმნაზიაში პროექტებით სწავლება წარმატებით მიმდინარეობს.
ახლახან, IIა (კლასის ხელმძღვანელი თინათინ ბლიაძე) და IIბ კლასების (ხელმძღვანელი ქეთევან მოსულიშვილი) მოსწავლეებმა ინგლისურ ენაში წარმოადგინეს გარემოს დაცვასთან დაკავშირებული პროექტი, სახელწოდებით - „Protect our Nature /დავიცვათ ჩვენი ბუნება“.
საინტერესო პროექტი მოსწავლეებს ინგლისური ენის პედაგოგმა - ნათია მიქაძემ შესთავაზა.
მოსწავლეებმა დაამზადეს პლაკატები პიკნიკის თემატიკაზე და კიდევ ერთხელ შეახსენეს თანატოლებს, რომ ბუნებას, სადაც დროს ატარებენ გაფრთხილება სჭირდება.
პროექტი მოსწავლეებისთვის მეტად საინტერესო და შემეცნებითი აღმოჩნდა, მე-2 კლასელებმა გარდა იმისა რომ გაიმდიდრეს ინგლისური ენის ცოდნა, ასევე მეტად გააცნობიერეს გარემოს დაცვის მნიშვნელობა.
იხილეთ ფოტოები:
