27 მაისს პირველკლასელებისთვის სასწავლო წელი სრულდება.
2025-2026 სასწავლო წელი მეტად ნაყოფიერი იყო საქართველოს საპატრიარქოს წმიდა თამარ მეფის სახელობის სკოლა-გიმნაზიის Iგ კლასის მოსწავლეებისთვის. მათ ანბანის ჯადოსნურ სამყაროში მეგზურობა პედაგოგმა, თეა გოგინაშვილმა გაუწია და მოსწავლეებს საინტერესო საგანმანათლებლო თავგადასავალი შესთავაზა.
სასწავლო წლის მიწურულს კი მოსწავლეებმა სასწავლო მიღწევები ღონისძიებით აღნიშნეს.
მოსწავლეებმა ლიტერატურულ-მუსიკალური ნაწარმოებებით გააცილეს ქართული ანბანი და ცოდნა და შესაძლებლობები წარმატებით წარმოაჩინეს.
შემდეგ კი Iგ კლასი, დამრიგებლის - თეა გოგინაშვილის ხელმძღვანელობით, შემეცნებით-გასართობ ექსკურსიაზე მარტყოფში გაემგზავრა
მოსწავლეებმა მოილოცეს მარტყოფის მამათა მონასტერი, ითამაშეს ბუნებაში და შთაბეჭდილებებით დატვირთულები დაბრუნდნენ უკან.
იხილეთ ფოტოები:
