ახალქალაქის მუნიციპალიტეტის სოფელ გოკიოს საჯარო სკოლის მე-2 კლასელთა მშობლიური ენის გაკვეთილი განსაკუთრებულად საინტერესოდ წარიმართა. გაკვეთილის თემა იყო - „მშვიდობა მსოფლიოში“, რომლის ირგვლივაც მოსწავლეებმა საინტერესო მოსაზრებები გააზიარეს.

მასწავლებელი ნარინე გალსტიანი ბავშვებს მშვიდობის მნიშვნელობაზე ესაუბრა და ფერების სიმბოლურ დატვირთვაზეც გაამახვილა ყურადღება.

მოსწავლეები მსჯელობდნენ, თუ რომელ ფერებში ხედავენ მშვიდობას, სიკეთესა და მეგობრობას. პატარებმა დაასახელეს ის ფერები, რომლებიც მათთვის სითბოს, სიყვარულისა და ჰარმონიის გამომხატველი იყო.

გაკვეთილის ფარგლებში ჩატარდა თემატური აქტივობაც, რომელმაც მოსწავლეთა შემოქმედებითი უნარები კიდევ უფრო წარმოაჩინა.

აქტივობამ ხელი შეუწყო მოსწავლეებში ჰუმანური ღირებულებების გაძლიერებას.