ბათუმის წმინდა ანდრია პირველწოდებულის სახელობის სკოლაში მოსწავლეთა ბრწყინვალე წარმატებით ხარობენ.
სკოლის მოსწავლეთა სტარტაპმა - SafeWave მოიპოვა მთავარი ჯილდო და Junior Achievement Georgia-ს პროექტის ფარგლებში „წლის კომპანიის“ ტიტული დაიმსახურა.
SafeWave-ის გუნდმა, რომლის შემადგენლობაშიც არიან - ანასტასია მოლაშხია, სერგი ორმოცაძე და ელენე ნასარაია, შექმნა ინოვაციური ტექნოლოგია, რომელიც მიზნად ისახავს მცირე გემების უსაფრთხოების უზრუნველყოფას და ზღვაში ადამიანების სიცოცხლის გადარჩენას.
მოპოვებული გამარჯვების შედეგად, მოსწავლეთა კომპანია საქართველოს სახელით იასპარეზებს ევროპის ყველაზე მასშტაბურ სამეწარმეო განათლების ფესტივალზე, რომელიც ლატვიის დედაქალაქ რიგაში გაიმართება 2026 წლის ივლისში.
მოსწავლეთა გუნდის კოორდინატორი და მხარდამჭერი იყო ისტორიისა და სამოქალაქო განათლების მასწავლებელი ინგა მართალიშვილი.
პროექტის დასკვნით ღონისძიებას ესწრებოდნენ: სკოლის დირექტორი - დეკანოზი ილია ხინიკაძე, დირექტორის მოადგილე - პირიმზე რურუა, X2 კლასის ხელმძღვანელი - მღვდელი ირაკლი ხიტირი.
სკოლაში ამაყობენ მოსწავლეთა წარმატებით და გუნდს ახალი მწვერვალების დაპყრობას უსუსრვებენ.
„ვულოცავთ, ჩვენს ნიჭიერ და მიზანდასახულ მოსწავლეებს - ანასტასია მოლაშხიას, სერგი ორმოცაძეს და ელენე ნასარაიას ამ მნიშვნელოვან წარმატებას!“- აღნიშნავენ სკოლაში.
იხილეთ ფოტოები:
