10 მაისს, ქრისტიანობის სახელმწიფო რელიგიად გამოცხადების 1700 წლისთავთან დაკავშირებით, თბილისის N103 საჯარო სკოლის ისტორიისა და სამოქალაქო განათლების მენტორი პედაგოგი ნატა თეთვაძე და Xა კლასის მოსწავლეები ანჩისხატის ტაძარსა და სიონის საკათედრო ტაძარს სტუმრობდნენ.
მოსწავლეებმა მოინახულეს საქართველოს კათოლიკოს-პატრიარქთა საფლავები, გაეცნენ ტაძრების ისტორიას, მათ სულიერ და კულტურულ მნიშვნელობას.
როგორც სკოლაში გვეუბნებიან, შემეცნებითი ვიზიტის მიზანი იყო მოსწავლეებში ისტორიულ-კულტურული მემკვიდრეობისადმი პატივისცემის გაღრმავება, ეროვნული და სულიერი ღირებულებების გააზრება, ასევე საქართველოს ქრისტიანული ისტორიის უკეთ გაცნობა.
„ექსკურსიამ ხელი შეუწყო მოსწავლეთა ცნობიერების ამაღლებასა და პრაქტიკული სწავლების გზით მიღებული ცოდნის განმტკიცებას“,-დასძენენ სკოლაში.
იხილეთ ფოტოები:
