მესტიის მუნიციპალიტეტის სოფელ მულახის საჯარო სკოლაში საინტერესო სასწავლო პროცესი მიმდინარეობს. პედაგოგები მოსწავლეთა მოტივაციასა და გაკვეთილების გამრავალფეროვნებაზე ზრუნავენ და სწავლებისას საინტერესო მეთოდებს მიმართავენ.
ახლახან, მათემატიკისა და ისტ-ის მასწავლებლების თანამშრომლობით, VI კლასის მოსწავლეებმა წარადგინეს პრეზენტაცია თემაზე - „წილადები“.
მოსწავლეებმა ისაუბრეს წესიერ და არაწესიერ წილადებზე, მათ გამრავლებასა და გაყოფაზე, ასევე სხვადასხვა მათემატიკურ მოქმედებაზე.
მათემატიკის მასწავლებლის დახმარებით ბავშვებმა დაამუშავეს თემის შინაარსი, ხოლო ისტ-ის გაკვეთილზე მიღებული ცოდნის გამოყენებით, შექმნეს პრეზენტაცია PowerPoint-ის პროგრამაში.
აქტივობამ ხელი შეუწყო როგორც მათემატიკური ცოდნის გაღრმავებას, ასევე ტექნოლოგიური უნარებისა და გუნდური მუშაობის განვითარებას.
„ვამაყობთ ჩვენი მოსწავლეების აქტიურობით, მონდომებითა და შემოქმედებითი მიდგომით“!- აღნიშნავენ სკოლაში.
იხილეთ ფოტოები:
