
დმანისის მუნიციპალიტეტის სოფელ იაღუფლოს საჯარო სკოლის დირექცია და პედაგოგები მოსწავლეებს ქართული ენის სიყვარულსა და ისტორიის პატივისცემას ასწავლიან.
14 აპრილს სკოლაში ქართული ენის დღე აღინიშნა.
სკოლის დირექტორმა ვაგიფ მუსაევმა სასკოლო საზოგადოებას მიმართა, დღესასწაული მიულოცა და ქართული ენის სილამაზესა და მისი ცოდნის მნიშვნელობას გაუსვა ხაზი.
მოსწავლეები დამსწრე საზოგადოების წინაშე მრავალფეროვანი ღონისძიებით წარდგნენ - მოსწავლეებმა ისაუბრეს ქართული ენის დღის მნიშვნელობაზე, ენის მრავალსაუკუნოვან ისტორიაზე, დამწერლობის უნიკალურობაზე და ქართული ენისა და კულტურისადმი სიყვარული და პატივისცემა გამოხატეს.
საინტერესო იყო ღონისძიების შემოქმედებითი ნაწილიც - მოსწავლეებმა წაიკითხეს ლექსები, ასევე შეასრულეს მუსიკალური ნომრები.
მოსწავლეებს მიმართეს მასწავლებლებმაც და ქვეყნის ეროვნული დღესასწაული დიდი სიყვარულით მიულოცეს.
იხილეთ ფოტოები და ვიდეო1, ვიდეო2