ნინოწმინდის მუნიციპალიტეტის სოფელ ტამბოვკის საჯარო სკოლის მოსწავლეებისთვის სასწავლო პროცესი შემეცნებითი თავგადასავალია. პედაგოგები მოსწავლეებს მრავალაფეროვან აქტივობებს სთავაზობენ, რაც მათ მოტივაციაზე აისახება.
მე-2 კლასელმა, ანნა პოლოიანმა მათემატიკის გაკვეთილზე ტანგრამი შექმნა.
გაკვეთილი ინტერაქტიური და შემეცნებითი ფორმატით წარიმართა. მოსწავლემ გაიგო, რა არის ტანგრამი - უძველესი ჩინური გეომეტრიული თავსატეხი, რომელიც შედგება შვიდი სხვადასხვა ფორმის ფიგურისგან. მასწავლებელმა მას აუხსნა, როგორ შეიძლება ამ ფიგურებისგან შეიქმნას სხვადასხვა ობიექტი – ცხოველები, ადამიანები, ნივთები და სხვა.
მოსწავლემ აქტივობის დახმარებით გეომეტრიული ფიგურები უკეთ შეისწავლეს.
„ტანგრამი ბავშვებს უვითარებს ვიზუალურ-სიმბოლურ აზროვნებას, წარმოსახვას, ყურადღებას, კონბინატორულ უნარებს, ფერის, ზომისა და ფორმის აღქმას“,- აღნიშნავენ სკოლაში და აქტივობის მნიშვნელობას უსვამენ ხაზს.
იხილეთ ფოტოები:
