
მარნეულის მუნიციპალიტეტის სოფელ ბაითალოს საჯარო სკოლაში სასკოლო ცხოვრება განსაკუთრებულად თბილ და ყურადღებიან გარემოში მიმდინარეობს და თითოეული მოსწავლის განვითარებას დიდი მნიშვნელობა ენიჭება.
როგორც დირექტორი ნურადდინ აბბასოვი გვეუბნება, საბაზო საფეხურის სკოლა ამჟამად 48 მოსწავლეს აერთიანებს.
„მოსწავლეთა მცირე რაოდენობა სკოლაში სწავლების ერთ-ერთ მთავარ უპირატესობად იქცა. ინდივიდუალური მიდგომა, რომელსაც პედაგოგები იყენებენ ქმნის შესაძლებლობას, რომ თითოეულ მოსწავლეს მეტი ყურადღება დაეთმოს და აკადემიური შედეგებიც უფრო მაღალი იყოს.
სკოლის პრაქტიკა აჩვენებს, რომ ამ მიდგომის შედეგად ბევრი კურსდამთავრებული წარმატებით აბარებს უმაღლეს სასწავლებლებში. რითაც ნამდვილად ვამაყობთ“, - აღნიშნავს სკოლის ხელმძღვანელი.
მისივე თქმით, წელს სკოლას 5 მოსწავლე ამთავრებს. ამასთან სკოლაში უკვე 5 პირველკლასელია დარეგისტრირებული, რომელთა დასახვედრადაც აქტიური მზადება დაიწყება მომავალი სასწავლო წლის დადგმომადე.