წალკის მუნიციპალიტეტის სოფელ წინწყაროს საჯარო სკოლაში დედაენის დღე გამორჩეულად აღინიშნა. 

სკოლის I-VIII კლასების მოსწავლეებმა სასკოლო საზოგადოებას ეროვნული დღესასწაული საინტერესო  პრეზენტაციებით მიულოცეს. 

მოსწავლეებმა გამართეს შემოქმედებითი პრეზენტაციები შემდეგი სახელწოდებებით:

"დედა ენა - ერის სული";

" დედა ენა სიბრძნის წყარო";

"რა ენა წახდეს ერიც დაეცეს".

მოსწავლეებმა ისაუბრეს ქართული ენის მრავალსაუკუნოვან ისტორიაზე, დამწერლობის უნიკალურობასა და დედაენის დღის მნიშვნელობაზე. 

ღონისძიებას ხელმძღვანელობდნენ პედაგოგები - ნანა ხიმშიაშვილი, ირინა ბოლქვაძე და მარი საგინაძე.

ღონისძიების ხელმძღვანელები მადლობას უხდიან სკოლის დირექტორს  - ანტეი ტერსენოვს გაწეული შრომისა და მხარდაჭერისთვის. 

„ბავშვებმა კიდევ უფრო ღრმად გაიგეს დედა ენის დღის მნიშვნელობა, ფასეულობა და სიდიადე!

გააცნობიერეს, რომ ენას სჭირდება მოვლა-პატრონობა, დაცვა და გაფრთხილება! ჩვენი სკოლის მოსწავლეები მოკრძალებული პრეზენტაციით გილოცავენ ამ სულიერ და ნივთიერ მონაპოვარს!“,- აღნიშნავენ პედაგოგები და ღონისძიების ფოტომასალას გვიზიარებენ.