ნინოწმინდის N4 საჯარო სკოლაში ქართული ენის დღე გამორჩეულად აღინიშნა. გაიმართა კვირეული რომელმაც არაერთი საგანმანათლებლო-შემოქმედებითი აქტივობა გააერთიანა.
მათ შორის, დედაენის კვირეულის ფარგლებში, სკოლაში გაიმართა საინტერესო და შემეცნებითი თამაში - „არა ბარბარიზმებს!“
აქტივობაში ბავშვები ხალისით ჩაერთნენ და იაქტიურეს, ამოიცნეს და შეცვალეს ბარბარიზმები სწორი ქართული შესატყვისებით.
„აქტივობამ კიდევ ერთხელ დაგვანახვა, რამდენად მნიშვნელოვანია ჩვენი ენის სიწმინდის დაცვა და ქართული სიტყვების სიყვარულით გამოყენება“,- აღნიშნავენ სკოლაში და აქტივობის მნიშვნელობას უსვამენ ხაზს.
თამაშის მიზანი იყო:
- ქართული ლექსიკის გამდიდრება;
- სწორად მეტყველების უნარის განვითარება;
- ბარბარიზმების თავიდან აცილება ყოველდღიურ საუბარში.
მოსწავლეებმა დიდი მონდომებითა და ენთუზიაზმით გაართვეს თავი დავალებებს.
„გავუფრთხილდეთ ჩვენს ენას - ეს ჩვენი იდენტობის ყველაზე ძვირფასი ნაწილია!“- ერთხმად აღნიშნეს მოსწავლეებმა და ბარბარიზმების წინააღმდეგ გაილაშქრეს.
იხილეთ ფოტოები:
