
ქარელის მუნიციპალიტეტის სოფელ მოხისის საჯარო სკოლის დირექცია და პედაგოგები მოსწავლეებს პროფესიული ორიენტაციის განსაზღვრაში ეხმარებიან.
სწორედ ამ მიზნით, ქარელის მუნიციპალიტეტის სოფელ მოხისის საჯარო სკოლის დამამთავრებელი კლასის მოსწავლეები კოლეჯ „ქართლს“ ესტუმრნენ,
მოსწავლეებს კოლეჯის პროფესიული ორიენტაციისა და კარიერის დაგეგმვის მენეჯერმა, თამუნა თათარაშვილმა უმასპინძლა და მოსწავლეებს გააცნო კოლეჯის საგანმანათლებლო პროგრამები, სწავლების ფორმატი და დასაქმების შესაძლებლობები.
მოსწავლეებმა ასევე დაათვალიერეს კოლეჯის სასწავლო აუდიტორიები და პრაქტიკული სწავლებისთვის განკუთვნილი სახელოსნოები.
ვიზიტი მოსწავლეებისთვის ნაყოფიერი აღმოჩნდა, მათ მეტი შეიტყვეს პროფესიული განათლების მნიშვნელობასა და პერსპექტივებზე.