შპს N1 (გოქაძის) სკოლაში გვირილობის დღესასწაული განსაკუთრებული სითბოთი და სიხარულით აღინიშნა.
სკოლის სივრცე გადაიქცა ნამდვილ პატარა ზღაპრად - სავსე თეთრ-ყვითელი ფერებით, ბავშვური ენერგიითა და სიყვარულით.
მოსწავლეებმა საკუთარი ძალებით მოაწყვეს გამოფენა-გაყიდვა და დიდი მონდომებით წარმოადგინეს ხელნაკეთი ნამუშევრები. თითოეულ დეტალში იგრძნობოდა მათი გულწრფელი შრომა და ფანტაზია.
დღე კიდევ უფრო გაალამაზა ბავშვების შესრულებულმა სიმღერებმა - სუფთა, ნათელმა ხმებმა და ემოციამ განსაკუთრებული განწყობა შექმნა და ყველას გულში სითბო დატოვა.
გვირილობა გაზაფხულის, სითბოს და სიკეთის სიმბოლოა და პატარა გვირილებმაც სკოლაში დიდი სიხარული შექმნეს.
„მადლობა ჩვენს საოცარ ბავშვებს, ერთგულ მასწავლებლებსა და მხარდამჭერ მშობლებს - ერთად შევქმენით დღე, რომელიც დიდხანს დარჩება ჩვენს მეხსიერებაში“,- აღნიშნავენ სკოლაში და ახარებთ მოსწავლეთა შემოქმედებითობა.
Xა კლასის მოსწავლეებმა კი ამ ლამაზ დღესასწაულს ვიდეორგოლი მიუძღვნეს. „სიკეთით სავსე გულებით ჩვენ მოგიყვებით დაუვიწყარ ისტორიას გვირილობაზე“,- აღნიშნავენ მოსწავლეები და მოგვითხრობენ თუ როგორ იქცა სიკეთე უნივერსალურ ენად.
პროექტის ხელმძღვანელი ქართული ენისა და ლიტერატურის მასწავლებელი მარიამ ტაბატაძე გახლავთ.
VIIბ კლასის მოსწავლეებმა კი, ჩვენი საქართველოს პედაგოგ გიორგი ლეჟავას ხელმძღვანელობით, ქუთაისობის (გვირილობის) დღესასწაულთან დაკავშირებით, მოამზადეს ვიდეოპროექტი - „ქუთაისო, სავარდო და სამაისო“, სადაც გადმოცემულია ქალაქის მრავალსაუკუნოვანი ისტორიის მნიშვნელოვანი მომენტები.
„დღეს ქუთაისობაა, დღეობა იმ ქალაქისა სადაც ყველაფერი იწყება და არასოდეს მთავრდება. ქუთაისის წილი ქართული კულტურის, სახელმწიფოებრიობისა და იდენტობის ჩამოყალიბებაში უმნიშველოვანესია!“,- გვეუბნებიან მოსწავლეები.
იხილეთ ფოტოები და ვიდეო
.jpg){kind=link}