ჭიათურის მუნიციპალიტეტის სოფელ სვერის საჯარო სკოლის დირექცია და პედაგოგები მოსწავლეთა ჩართულობას სხვადასხვა კონკურსსა თუ საგანმანათლებლო ღონისძიებაში ახალისებენ. 

რაღა თქმა უნდა, მოსწავლეები დიდი ენთუზიაზმით შეუერთდნენ ქართული ენის დღესთან დაკავშირებით გამართულ კონკურსს. 

სკოლა კონკურსში მონაწილეობისთვის ჭიათურის საგანმანათლებლო რესურსცენტრმა დიპლომით დააჯილდოვა. 

„ჩვენი ჩართულობა და აქტივობა დაფასდა - ჭიათურის საგანმანათლებლო რესურსცენტრისგან გადმოგვეცა დიპლომი, რაც კიდევ უფრო მეტად გვაძლევს მოტივაციას“,- აღნიშნავენ სკოლაში.