ცაგერის მუნიციპალიტეტის სოფელ ლუხვანოს საჯარო სკოლის პედაგოგები მოსწავლეებს ენის სიყვარულსა და ისტორიის პატივისცემას ასწავლიან და მომავალ თაობას ეროვნულ ღირებულებებზე ზრდიან. 

რაღა თქმა უნდა, სკოლაში გამორჩეულად აღინიშნა დედაენის დღე. 

დაწყებითი კლასის მოსწავლეები არაერთ საგანმანათლებლო-შემოქმედებით აქტივობაში ჩაერთნენ და ნამდვილი საოცრებები შექმნეს - საკუთარი ხელით გააფორმეს „ანბანის წიგნი“ და დაამზადეს ჯადოსნური „ანბანის რუკა“.

„ვამაყობ, ჩემი მოსწავლეებით, რომლებიც ასეთი სიყვარულით ეუფლებიან ქართულ ანბანსა და მშობლიურ ენას. „ენა დედაა ყველა იმედის...“ - აღნიშნავს მოსწავლეთა პედაგოგი და პატარებთან ერთად ეროვნულ დღესასწაულებს ყოველთვის საინტრესოდ აღნიშნავს.