თბილისის N37 საჯარო სკოლის მოსწავლეებმა კიდევ ერთ წარმატებას მიაღწიეს შემოქმედებით ასპარეზზე - მათ მონაწილეობა მიიღეს ელენე ახვლედიანის სახელობის ბავშვთა სურათების გალერეის მიერ ორგანიზებულ მასშტაბურ გამოფენაში, სახელწოდებით „ბუნება და ძეგლი“. პროექტი მიზნად ისახავდა მოზარდებში გარემოსა და კულტურული მემკვიდრეობისადმი სიყვარულის გაღვივებას.
გამოფენაზე წარმოდგენილი ნამუშევრები გამოირჩეოდა ორიგინალურობითა და ემოციური სიღრმით. მოსწავლეებმა ფერებში გადმოსცეს ბუნებისა და ისტორიული ძეგლების ჰარმონიული კავშირი, რამაც ჟიურის მოწონება დაიმსახურა.
მონაწილეები საზეიმო ვითარებაში დაჯილდოვდნენ დიპლომებით, ეს აღიარება კი მნიშვნელოვანი სტიმულია თითოეული მათგანისთვის.
აქტივობა სკოლის სახვითი და გამოყენებითი ხელოვნების მასწავლებლის, მარინა ტომასოვას ინიციატივითა და ხელმძღვანელობით განხორციელდა. მისი ძალისხმევით, მოსწავლეებს მიეცათ საშუალება, გასცდენოდნენ სასკოლო გარემოს და საკუთარი შემოქმედება ფართო საზოგადოებისთვის გაეცნოთ.
