კარწახის საჯარო სკოლის სპორტის მასწავლებელმა, რომელიც ამავე დროს აღნიშნული სკოლის დირექტორია, სოციალური პროექტი სახელწოდებით-„ვიცნობდეთ ჩვენი სოფლის საამაყო ადამიანს“ განახორციელა. 

ის ითვალისწინებდა კარწახის მკვიდრი აშუღ ჯივანის გაცნობას, რომლის სახელიც სკოლას ჰქვია.

პროექტზე მოსწავლეებმა და მათმა ხელმძღვანელმა საინტერესოდ და დიდი პასუხისმგებლობით იმუშავეს. გამოკითხვაში, რომელიც პროექტის ერთ-ერთი შემადგენელი ნაწილი იყო, თემის წარმომადგენლები, უფროსი ასაკის ადამიანები ჩართეს. 

პროექტის დაგვირგვინება ჯივანის სახელობის მუზეუმში მოწყობილი ლიტერატურული ღონისძიება გახლდათ. აღნიშნულმა ძალიან საინტერესოდ ჩაიარა. შედეგად მოსწავლეებს მათივე სოფლის მკვიდრის და პატივსაცემი პიროვნების შესახებ კონკრეტული წარმოდგენა ჩამოუყალიბდათ. 

იხილეთ ფოტოები