„დაუვიწყარი ემოცია, ჯანსაღი კონკურენცია და ბევრი ახალი ცოდნა“- ქუთაისის N32 სკოლის მოსწავლეთა ისტ-ისა და ინგლისური ენის ინტეგრირებული გაკვეთილი
01-05-2026
ავთანდილ დეკანოიძის სახელობის ქალაქ ქუთაისის N32 საჯარო სკოლის მოსწავლეებისთვის სასწავლო პროცესი შემეცნებითი თავგადასავალია.
ინოვაცია, ემოცია და ცოდნის ზეიმად იქცა კომპიუტერული ტექნოლოგიებისა და ინგლისური ენის ინტეგრირებული გაკვეთილი.
IVდ კლასის მოსწავლეებმა Kahoot-ის პლატფორმაზე, პერსონალური კომპიუტერებისა და პროექტორის გამოყენებით, ინგლისურენოვანი ქვიზი გაიარეს.
როგორც სკოლაში გვეუბნებიან, მოსწავლეებმა დაუვიწყარი ემოციები, ჯანსაღი კონკურენცია და ბევრი ახალი ცოდნა მიიღეს.
ინტეგრირებულ გაკვეთილს უძღვებოდნენ: კომპიუტერული ტექნოლოგიების მასწავლებელი ზურა ხაკიანი და ინგლისური ენის მასწავლებელი თამარ ციცვიძე.
იხილეთ ვიდეო:
სკოლების სიახლეები
