„ციფრული წერა - თანამედროვეობის აუცილებელი უნარია. თანამედროვე სამყაროში კლავიატურის ფლობა ისეთივე აუცილებელი უნარია, როგორც კალმით წერა“,- აღნიშნავენ ავთანდილ დეკანოიძის სახელობის №32 საჯარო სკოლაში, სადაც მე-6 კლასელებისთვის კლავიატურაზე სწრაფი ბეჭდვის ჩემპიონატი ჩატარდა.
ჩემპიონატი მოსწავლეთა მაღალი ჩართულობით წარიმართა და ბავშვებისთვის მეტად სახალისო აღმოჩნდა.
ღონისძიებას ხელმძღვანელობდნენ კომპიუტერული ტექნოლოგიების მასწავლებლები: ზურაბ ხაკიანი და დოდო ხობელია.
ყველაზე სწრაფი კი აღმოჩნდა:
- საბა კოპალეიშვილი;
- ვატო ღვინიანიძე;
- ნინი ხარაიშვილი;
- სოფო სოფრომაძე.
გამარჯვებულებმა საოცარი სიზუსტე და სისწრაფე აჩვენეს.
სკოლაში მათ წარმატებას ულოცავენ და ახარებთ მოსწავლეთა მაღალი ჩართულობა და ენთუზიაზმი.
„გილოცავთ ამ წარმატებას! მოხარული ვართ, რომ მოსწავლეები ასეთი მონდომებით ემზადებიან ტექნოლოგიური მომავლისთვის“, - აღნიშნავენ სკოლაში და დასძენენ, რომ სწრაფი ბეჭდვა ბავშვებს ეხმარება: დაზოგონ დრო დავალებების შესრულებისას, მოახდინონ ფოკუსირება აზრებზე და არა ღილაკების ძებნაზე, განავითარონ თვალისა და ხელის კოორდინაცია.
იხილეთ ფოტოები:
