ნინოწმინდის მუნიციპალიტეტის სოფელ გორელოვკის N3 საჯარო სკოლაში დამამთავრებელი კლასის მოსწავლეებისთვის და დაინტერესებული პირებისთვის გაიმართა საინფორმაციო შეხვედრა, რომელიც სამხედრო სამსახურთან დაკავშირებულ სიახლეებს დაეთმო.
სკოლას სტუმრობდნენ სამხედრო აღრიცხვის, გაწვევისა და რეკრუტირების ნინოწმინდის მუნიციპალური განყოფილების წარმომადგენლები.
შეხვედრაზე მთავარი აქცენტები გაკეთდა საკანონმდებლო ცვლილებებზე: მოსწავლეებმა მიიღეს ზუსტი ინფორმაცია სამხედრო სამსახურის შესახებ კანონში შესული ბოლო ცვლილებების შესახებ.
პრეზენტაციამ და ვიდეომასალამ კი მოსწავლეებისთვის საკითხი კიდევ უფრო გასაგები და საინტერესო გახადა.
„დღეს ჩვენს სკოლაში მნიშვნელოვანი და ნაყოფიერი დღე იყო“,- აღნიშნავენ სკოლაში და მადლობას უხდიან სტუმრებს საინტერესო და ინფორმაციული შეხვედრისთვის.
„მადლობას ვუხდით სტუმრებს მობრძანებისთვის, ჩვენი ახალგაზრდების ცნობიერების ამაღლებისთვის და იმ მნიშვნელოვანი ინფორმაციის გაზიარებისთვის, რაც მათ მომავალი ნაბიჯების დაგეგმვაში დაეხმარებათ“,- აღნიშნავენ სკოლაში.
იხილეთ ფოტოები:
