იფარის საჯარო სკოლაში პატრიარქის ღვაწლის მოსაგონარი საღამო გაიმართა
29-04-2026
25 აპრილს, უწმინდესისა და უნეტარესის, ილია მეორის გარდაცვალებიდან ორმოცი დღე შესრულდა.
მესტიის მუნიციპალიტეტის სოფელ იფარის საჯარო სკოლამ სრულიად საქართველოს კათოლიკოს-პატრიარქის ილია მეორის ხსოვნას პატივსაცემად, მისი სულის მოსახსენებელი ლიფანეს (სვანური საკურთხის) სუფრა გააწყო და ასევე მისი ღვაწლის მოსაგონარი საღამო მოამზადა.
როგორც სკოლაში გვეუბნებიან, პურ-მარილი, რომელიც ძირითადად ქართულის მასწავლებელმა, მარეხ კორძაიამ ითავა, ღონისძიების დასასრულს მოსწავლეებს დაურიგდათ.
მოსწავლე-მასწავლებლებმა გაიხსენეს პატრიარქის ცხოვრება და მოღვაწეობა, მისი უდიდესი ღვაწლის ქვეყნის წინაშე.
„მასწავლებლებიც, რა თქმა უნდა, გეახელით თითო გემრიელ ლუკმას და ბარემ ჩვენი ღვთივგანსვენებული პატრიარქის შესანდობარიც ვთქვით“,- გვიყვებიან სკოლაში.
სკოლების სიახლეები
