გალაკტიონ ტაბიძის სახელობის ხონის მუნიციპალიტეტის სოფელ ივანდიდის საჯარო სკოლაში, ეკოკლუბისა და მოსწავლეთა თვითმმართველობის ორგანიზებით, დედამიწის დღესთან დაკავშირებით მოეწყო კვირეული სახელწოდებით - „დედამიწა ჩვენი სახლია!“

კვირეულის ფარგლებში განხორციელდა რამდენიმე მნიშვნელოვანი აქტივობა:

საგანმანათლებლო გაკვეთილები დაწყებით კლასებში: ეკოკლუბის წევრმა მოსწავლეებმა დაწყებით კლასებში ბუნებისმეტყველების გაკვეთილები ჩაატარეს.

გაკვეთილი ინგლისურ ენაში: მეოთხეკლასელებმა ინგლისური ენისა და ლიტერატურის გაკვეთილზე (მასწავლებელი მაია ჩხეიძე) უცხოურ ენაზე იმსჯელეს დედამიწის პრობლემებსა და მათი მოგვარების გზებზე. აქტივობის დასასრულს ბავშვებმა თემატური პოსტერი შექმნეს.

 ვიქტორინა: მეხუთე კლასში ბუნებისმეტყველების მასწავლებელმა და ეკოკლუბის პრეზიდენტმა,  ბარბარე ჯიშკარიანმა ჩაატარა ვიქტორინა - „დედამიწა ჩვენი სახლია!“

 სადამრიგებლო საათები:

მეორეკლასელებმა (დამრიგებელი ნინო უგულავა) კლასის საათი დედამიწის დღეს მიუძღვნეს და შექმნეს პოსტერი „დედამიწა ჩვენი სახლია!“

მესამე კლასში (დამრიგებელი შორენა ჭავჭანიძე) ჩატარდა სხვადასხვა აქტივობა დევიზით: „22 აპრილი დედამიწის დღეა!“  დედამიწის მოვლაზე იზრუნეს და მისი გადარჩენისთვის საინტერესო გეგმა შეიმუშავეს.

ჩატარდა კლასის საათი მეოთხე კლასში(დამრიგებელი იამზე ფანცულაია), თემაზე - „დედამიწა ჩვენი სახლია!“

თემატური კლასის საათი ჩატარდა მეხუთე კლასშიც (დამრიგებელი მარიამ ფანჩულიძე).

საინფორმაციო კამპანია: მომზადდა ბუკლეტები, რომლებიც დარიგდა როგორც სასკოლო საზოგადოებაში, ისე თემში. ასევე, დამზადდა პოსტერები, რომლებიც „ეკოკედელზე“ განთავსდა.

მეორადი გამოყენება: ია ტერელაძის ხელმძღვანელობით, მეორადი ნივთებისგან დამზადდა ფანქრების ჩასადებები - „მხიარული სათავსო“, რომლებიც ეკოკლუბმა საჩუქრად თორმეტივე კლასს გადასცა.

კინოჩვენება: მოეწყო ფილმის - „ადამიანი, რომელიც ხეებს რგავდა“ - ჩვენება და დისკუსია (მასწავლებელი ელიზა ლიპარტელიანი).

გამწვანების აქცია: მშობლისგან (მაია ჩხეიძე) ეკოკლუბმა საჩუქრად მიიღო ზეთისხილის ნერგი, რომელიც სკოლის ეზოში დაირგო.

იხილეთ ფოტოები: