აპლიკანტთა რეგისტრაცია 11 მაისის 09:00 საათამდე გაგრძელდება. გამოცდა 13 მაისს შეფასებისა და გამოცდების ეროვნულ ცენტრში ჩატარდება.

 

მორიგი ტესტირება 27 მაისს არის დაგეგმილი, რომლისთვისაც რეგისტრაცია 14 მაისს, 09:00 საათიდან დაიწყება და 25 მაისს, 09:00 საათზე დასრულდება.

 

„სერტუსის“ ინგლისური ენის გამოცდა ელექტრონულ ფორმატში, თვეში ორჯერ ტარდება და სრულად შეესაბამება შეფასების საერთაშორისო სტანდარტებს. ტესტი ენის ცოდნის დონეს საერთო ევროპული ჩარჩოს (CEFR) შესაბამისად განსაზღვრავს. მონაწილეებს გამოცდის ჩაბარება შეუძლიათ როგორც სრულად, ისე ცალკეული კომპონენტების მიხედვით. სრული ტესტის წარმატებით დასრულების შემთხვევაში გაიცემა სერტიფიკატი, რომლის მოქმედების ვადა 3 წელია.

 

აღნიშნული სერტიფიკატი აღიარებულია საქართველოს არაერთი უმაღლესი სასწავლებლის მიერ და ასევე გამოიყენება სხვადასხვა ორგანიზაციაში კადრების შერჩევისა და შეფასების პროცესში.

 

2026 წლის „სერტუსის“ გამოცდების კალენდარი https://naec.ge/#/ge/post/2907

 

დამატებითი ინფორმაციის მისაღებად და რეგისტრაციის გასავლელად ეწვიეთ შეფასებისა და გამოცდების ეროვნული ცენტრის ვებგვერდს.