
ახალქალაქის მუნიციპალიტეტის სოფელ პტენის საჯარო სკოლის მასწავლებლები მოსწავლეებს ქართული ენის სიყვარულსა და ისტორიის პატივისცემას ასწავლიან.
რაღა თქმა უნდა, სკოლაში გამოეხმაურნენ ქართული ენის დღეს. გაიმართა ღონისძიება, რომელმაც არაერთი საგანმანათლებლო-შემოქმედებითი ნომერი გააერთიანა.
მოსწავლეებმა ისაუბრეს ქართული ენის დღის მნიშვნელობაზე, ენის მრავალსაუკუნოვან ისტორიაზე, დამწერლობის უნიკალურობაზე. შთამბეჭდავი იყო ღონისძიების შემოქმედებითი ნაწილიც - ბავშვებმა იმღერეს და საცეკვაო ნომრებიც შეასრულეს.
მოსწავლეებმა ნიჭი და შესაძლებლობები წარმატებით წარმოაჩინეს და ცოდნა გაიმდიდრეს.
იხილეთ ფოტოები: