აბაშის მუნიციპალიტეტის, მაიდნის საჯარო სკოლაში მოსწავლეთა ჩართულობა სხვადასხვა კონკურსსა თუ საგანმანათლებლო ღონისძიებაში წახალისებული და მხარდაჭერილია.
ტრადიციულად, წელსაც მოსწავლეები გუნდურ ინტელექტუალურ თამაშს - „ტვინების ბრძოლა“ დიდი შემართებით შეუერთდნენ. მოსწავლეებმა ცოდნა და შესაძლებლობები წარმატებით წარმოაჩინეს.
მოსწავლეებმა მუნიციპალურ ტურში მეორე ადგილი დაიკავეს. ახლა კი მთელი ენერგიით ემზადებიან რეგიონალური ტურისთვის. გუნდში ირიცხებიან - საბა ამანაძე, თენგო ჯანგველაძე, რომა ჯოჯუა, ანანო იაშვილი, ქეთი მიქაძე.
„ეს არის შესანიშნავი განწყობა! როგორც სპორტში, ასევე ინტელექტუალურ თამაშებშიც ნამდვილი ჩემპიონის თვისება სწორედ ისაა, რომ ერთი ნაბიჯით უკან დახევას ძალების მოსაკრებად და უფრო დიდი ნახტომისთვის იყენებს..
„გზა ახალი მწვერვალებისკენ!“
წლევანდელი გაზაფხულის სეზონი „ტვინების ბრძოლაში“ ჩვენთვის განსაკუთრებული გამოწვევა აღმოჩნდა. წლების განმავლობაში ჩემპიონის ტიტულს ვინარჩუნებდით და მიუხედავად იმისა, რომ ამჯერად მეორე ადგილს დავჯერდით, ეს ჩვენთვის მხოლოდ დამატებითი მოტივაციაა.
მეორე ადგილი არ ნიშნავს წაგებას - ეს ნიშნავს იმას, რომ ახალი ბრძოლის დროა! ჩვენ არ ვყრით ფარ-ხმალს და მთელი ენერგიით ვემზადებით რეგიონალური ტურისთვის.
მადლობა გუნდს დაუღალავი შრომისთვის. წინ დიდი გამარჯვებები გველის!“,- აღნიშნავენ სკოლაში და მოსწავლეებს გულმხურვალედ გულშემატკივრობენ.
იხილეთ ფოტოები:
