ხაშურის მუნიციპალიტეტის სოფელ ნაბახტევის საჯარო სკოლის მოსწავლეებმა ქართული ენის დღე გამორჩეულად აღნიშნეს.
24 აპრილს, ხაშურის მინისტარის დასახლების ბიბლიოთეკაში გაიმართა ლიტერატურულ-მუსიკალური კომპოზიცია სახელწოდებით - „მე შენ მიყვარხარ, საქართველო“.
ღონისძიებაში მონაწილეობდნენ ხაშურის მუნიციპალიტეტის სოფელ ნაბახტევის საჯარო სკოლის მე-5, მე-6, მე-7 და მე-9 კლასების მოსწავლეები, რომლებმაც სიტყვით და მუსიკით გულწრფელად გამოხატეს სამშობლოს სიყვარული.
„დღემ კიდევ ერთხელ დაგვანახა, ბიბლიოთეკა რჩება იმ სივრცედ, სადაც იბადება აზრი, ყალიბდება ღირებულებები და ძლიერდება სიყვარული საქართველოს მიმართ“,- აღნიშნავენ სკოლაში და მადლობას უხდიან მინისტარის დასახლების ბიბლიოთეკას მასპინძლობისთვის, თითოეულ მოსწავლეს, სკოლის დირექტორს - ელზა მაისურაძეს გვერდში დგომისთვის, მუსიკის პედაგოგს და ღონისძიების ორგანიზატორს - მაია რიჟამაძეს ამ ლამაზი დღის შექმნისთვის.
იხილეთ ფოტოები:
