ალექსანდრე ლილუაშვილის სახელობის ვანის მუნიციპალიტეტის სოფელ შუაგორას საჯარო სკოლის პედაგოგები მოსწავლეებს ეროვნულ ღირებულებებზე ზრდიან და მათი პატრიოტული სულისკვეთების ამაღლებაზე აქტიურად ზრუნავენ.
9 აპრილი- ტკივილითა და გმირობით აღბეჭდილი დღეა ჩვენი ქვეყნის ისტორიაში. დღე, რომელმაც გვასწავლა, რა ფასად მოდის თავისუფლება და როგორი ძალა აქვს ერთიანობას.
თავისუფლებისათვის ბრძოლა კი უწყვეტი ჯაჭვია - ეს არის მუდმივი ძალისხმევა, რომელიც წარსულმა შვა, აწმყო კვებავს და მომავალმა უნდა დაარწყულოს...
სწორედ ამიტომ შუაგორას საჯარო სკოლის პედაგოგებმა მოსწავლეებს მიმართეს გაგა გომართელის ლექსით - „მომავალ თაობას“.
„ლექსი, რომელიც გვასწავლის, როგორ უნდა იცხოვროს მომავალმა თაობამ, რა ღირებულებებზე უნდა ააგოს საკუთარი ცხოვრება და როგორი პასუხისმგებლობა აკისრია თითოეულ ადამიანს ქვეყნისა და საზოგადოების წინაშე.
როცა 9 აპრილს ვიხსენებთ, კიდევ უფრო მკაფიო ხდება, რამდენად მნიშვნელოვანია ამ ღირებულებების შენარჩუნება და გადაცემა.
მოგმართავთ თქვენ, მომავალო თაობავ, თქვენზეა დამოკიდებული, როგორი იქნება ხვალინდელი საქართველო - იცხოვრე ღირსეულად, იფიქრე თავისუფლად და დაიცავი ის, რაც ყველაზე ძვირფასია, ყური მიუგდე წინაპრის ხმას“,- აღნიშნავენ პედაგოგები და ვიდეომიმართვას ავრცელებენ.
იხილეთ ვიდეო:
