პოლკოვნიკ ტარიელ შარიფაშვილის სახელობის კასპის მუნიციპალიტეტის სოფელ ზემო ხანდაკის საჯარო სკოლის მოსწავლეები მაღალი გარემოსდაცვითი პასუხისმგებლობით გამოირჩევიან, რადგან პედაგოგები მათი ეკოცნობიერების ამაღლებაზე აქტიურად ზრუნავენ.
„დედამიწა ერთადერთი ადგილია, სადაც სიცოცხლე ისტორიას წერს. მოდით, ჩვენ ეს ისტორია გავაგრძელოთ პასუხისმგებლობით“ - ამ სლოგანით აღნიშნა სკოლაში დედამიწის დღე. ღონისძიებაში მონაწილეობდნენ მე-8 კლასის ეკოკლუბ „ლოტოსის“ მოსწავლეებმა.
მათ ნახეს ანიმაციები, მიიღეს გზავნილები დედამიწის გასაჭირის შესახებ, გაიაზრეს პრობლემები და შექმნეს პატარა ზღაპრები თუ - როგორ შეიძლება დედამიწის „ნაწილების“ დახმარება და ზღაპრები ერთმანეთს გაუზიარეს.
ბავშვებმა დედამიწის მოდელიც დაამზადეს და მაკეტებიც შექმნეს ეკოლოგიური პრობლემების შესახებ.
მოსწავლეები ფიქრობენ, რომ მათ მიერ გადადგმული პატარა ნაბიჯები აუცილებლად გამოიღებს დიდი შედეგს.
აქტივობებს ხელმძღვანელობდა გეოგრაფიის პედაგოგი მარინა ჩეჩელაშვილი და ბოლოს გადაეცათ სერტიფიკატები აქტიური მონაწილეობისთვის.
იხილეთ ფოტოები:
