ჭიათურის მუნიციპალიტეტის, კაცხის საჯარო სკოლაში უმნიშვნელოვანესი საგანმანათლებლო შეხვედრა გაიმართა. პროექტის „მოიწვიე ფინედუ კლასში“ ფარგლებში, სკოლას საქართველოს ეროვნული ბანკის წარმომადგენლები ესტუმრნენ. ეს არ ყოფილა მხოლოდ ოფიციალური შეხვედრა; ეს გახლდათ ცოცხალი, ინტერაქციული პროცესი, რომელმაც VIII-დან XII კლასის ჩათვლით მოსწავლეებს ფინანსური სამყაროს კარი სრულიად ახლებურად გაუღო.
აღსანიშნავია მსგავსი ინიციატივები ხელს უწყობს მომავალი თაობის სწორ ჩამოყალიბებასა და მათ მომზადებას დამოუკიდებელი ცხოვრებისთვის. საქართველოს ეროვნული ბანკის ფინანსური განათლების პლატფორმა „ფინედუს“ წარმომადგენლებმა, ნინო გორგაძემ და ეკატერინე გველესიანმა, მოსწავლეებისთვის საოცრად შინაარსიანი და პრაქტიკული გაკვეთილი ჩაატარეს. მათმა პროფესიონალიზმმა და მასალის საინტერესოდ მიწოდების უნარმა ბავშვებში დიდი ინტერესი გამოიწვია. შეხვედრის მთავარი თემები - ფულის მართვა, დაზოგვის კულტურა და ფინანსური პასუხისმგებლობა - მოსწავლეებისთვის არა მშრალ თეორიად, არამედ რეალურ ცხოვრებისეულ ინსტრუმენტებად იქცა. სტუმრებმა შეძლეს, რთული ეკონომიკური ცნებები მოსწავლეებისათვის გასაგებ და სახალისო ენაზე „ეთარგმნათ“.
გაკვეთილი დატვირთული იყო საგანმანათლებლო-შემეცნებითი თამაშებით, რამაც მოსწავლეთა მაქსიმალური ჩართულობა განაპირობა. თამაშის მეშვეობით ბავშვებმა შეიმეცნეს, თუ როგორ უნდა მიიღონ სწორი ფინანსური გადაწყვეტილებები.
ვიზიტის დასასრულს, სკოლის ბიბლიოთეკას „ფინედუს“ ორგანიზაციისაგან საჩუქრად გადაეცა უნიკალური საგანმანათლებლო რესურსები ფინანსური წიგნიერების შესახებ. სკოლის ადმინისტრაცია და პედაგოგიური კოლექტივი დიდ მადლობას უხდის ნინო გორგაძესა და ეკატერინე გველესიანს ასეთი სასარგებლო, მრავალფეროვანი და დასამახსოვრებელი შეხვედრისათვის.
აღსანიშნავია, რომ მსგავსი ფორმატის სწავლება საუკეთესო გზაა იმისათვის, რომ მოზარდებმა მიღებული ცოდნა პრაქტიკაში გაითავისონ. მოსწავლეების აქტიურობამ და კითხვებმა კი კიდევ ერთხელ დაადასტურა, რომ კაცხის საჯარო სკოლაში ნიჭიერი და ცოდნას მოწყურებული ახალგაზრდები იზრდებიან.
