ახალქალაქის მუნიციპალიტეტის იხტილის საჯარო სკოლაში მეორე კლასის მოსწავლეებმა ბუნებისმეტყველების გაკვეთილი განსხვავებული და შემოქმედებითი აქტივობით გაამდიდრეს. პედაგოგ გოარ გალსტიანის ხელმძღვანელობით ჩატარებულმა პრაქტიკულმა სამუშაომ სასწავლო პროცესი უფრო საინტერესო და ჩართული გახადა.
გაკვეთილის ფარგლებში მოსწავლეებმა საკუთარი ხელით შექმნეს დიორამები, რომლებშიც დეტალურად და თვალსაჩინოდ წარმოაჩინეს როგორც წყლის, ისე ხმელეთის ბინადართა საარსებო გარემო. ბავშვებმა სხვადასხვა მასალის გამოყენებით გააცოცხლეს ბუნებრივი ეკოსისტემები და წარმოადგინეს ცხოველებისა და მცენარეების საცხოვრებელი პირობები.
მსგავსი ტიპის აქტივობები მნიშვნელოვან როლს ასრულებს სასწავლო პროცესში. შემოქმედებითი მუშაობა მოსწავლეებს ეხმარება ბუნებრივი სამყაროს მრავალფეროვნების უკეთ აღქმაში, უვითარებს დაკვირვების უნარს და ამყარებს თეორიულ ცოდნას პრაქტიკული გამოცდილებით.
იხილეთ ფოტოები:
