სიღნაღის მუნიციპალიტეტის ქალაქ წნორის N1 საჯარო სკოლაში მოსწავლეთა შემოქმედებითობა წახალისებულია. მოსწავლეთა მხატვრული ნიჭისა და ესთეტიკური ხედვის განვითარებას კი მნიშვნელოვანი ყურადღება ექცევა.
სწორედ ამ მიზანს ემსახურებოდა, მე-8 კლასში განხორციელებული საინტერესო პროექტი - „ჩვენი შემოქმედება“, რომელმაც მოსწავლეთა დიდი მოწონება და ინტერესი დაიმსახურა.
ხელოვნების პედაგოგ მაია აბულაშვილის ხელმძღვანელობით, პროექტის ფარგლებში, მოსწავლეებმა შექმნეს მრავალფეროვანი ნამუშევრები: დახატეს, მოქარგეს, მოქსოვეს, გამოძერწეს, შექმნეს ლამაზი დეკორატიული ნივთები. თითოეულ ნამუშევარში ჩანდა მათი ფანტაზია, შრომა და შემოქმედებითობა.
„მოსწავლეებმა გამოაჩინეს, რომ ისინი მართლა ნიჭიერი და შემოქმედებითი არიან“,- აღნიშნავენ სკოლაში და დასძენენ, რომ პროექტი კიდევ უფრო გაალამაზა სიმღერამ და ცეკვამ.
პროექტს ესწრებოდნენ მასწავლებლები და სკოლის დირექცია.
იხილეთ ფოტოები:
