22 აპრილს, დედამიწის დღე აღინიშნება - 1970 წელს, ამ დღის დამკვიდრებით საფუძველი ჩაეყარა საზოგადოებრივი ცნობიერების განვითარების მორიგ იდეას. სუფთა და ჯანსაღი გარემოსთვის ბრძოლა ყოველდღიურად უფრო აქტუალური ხდება და 22 აპრილი ამ თვალსაზრისით გამორჩეული თარიღია.
საინტერესოდ აღინიშნა ეს დღე ახალქალაქის მუნიციპალიტეტის სოფელ აგანის საჯარო სკოლაში.
მოწავლეები არაერთ აქტივობაში ჩაერთნენ, პოსტერების დამზადებით, პრეზენტაციებით, თანატოლებისთვის მნიშვნელოვანი ინფორმაციის გაზიარებით, მოსწავლეებმა დედამიწის დღის დაარსებისა და მისი მიზნების შესახებ ბევრი რამ შეიტყვეს და კიდევ ერთხელ გააცნობიერეს თითოეული ჩვენგანის გარემოსდაცვითი პასუხისმგებლობა.
„დედამიწა ჩვენი სახლია“,- აღნიშნეს მოსწავლეებმა და საზოგადოებას ბუნებაზე ზრუნვის მნიშვნელობა შეახსენეს.
იხილეთ ფოტოები:
